玻璃裝在貨車上，流動宣傳。 

非常人語

達聞西　李崇志

古語有云： High tech揩嘢， low tech撈嘢。在香港搞創新科技，要麼自欺欺人，要麼自甘寂寞。前者易明，看看科學園、數碼港怎樣煉成豪宅便知。後者，卻要針㓤到肉才知痛。李崇志是 high tech人，由科網狂潮到金融海嘯，他無一不揩，身家上落大過百家樂。「香港好畸形，賣電話殼的又叫科技公司。但有邊間 IT公司好勁？冇。有冇代表性人物？又冇。」若有，那該是達聞西。

Ads by Google

聞西有太陽能電筒和蠱惑的槍，李崇志是香港第一批入科學園的人，搞過幾件「科技嘢」，今次押注的是神奇 mon貼。貼在玻璃上，不插電時明澄如水，一按掣，即成為投射屏幕。他幻想如果銅鑼灣地鋪的每扇櫥窗，都貼上 mon貼，化身成巨型電視，賣廣告、洗你腦，他便賺到笑。諗落似好有景，但先行者往往危險，「所謂有冇市場，視乎你等唔等到市場的出現。等唔到，產品再好都冇用。」但翻查李崇志的往績，總是「等唔到」的時候居多。「我冇退路，而且一把年紀，應該冇機會再做多次。但我覺得今次好有突破性喎。」做人冇夢想，跟鹹魚有何分別？

(繼續閱讀...)