有傳學民思潮已制定五區總辭議員名單，泛民陣營中各黨派都有份，但成事機會渺茫。插圖︰劉志誠 

八卦陣

學民夾泛民跳船　總辭公投名單曝光

為咗爭取特首選舉要有公民提名入閘一途，學民思潮本月初提出，正着手搞立法會五區總辭，藉此進行變相全民公投，仲話要有三成投票率，即約一百萬名選民投票，呢個議題先會成立。
雖然總辭公投嘅難度分爆晒燈，但政壇中人透露，學民一於少理，仲已經制定辭職議員名單，包括新界東社民連梁國雄、新界西人民力量陳偉業、九龍東民主黨胡志偉、九龍西公民黨毛孟靜以及港島工黨何秀蘭。

雖然總辭公投嘅難度分爆晒燈，但政壇中人透露，學民一於少理，仲已經制定辭職議員名單，包括新界東社民連梁國雄、新界西人民力量陳偉業、九龍東民主黨胡志偉、九龍西公民黨毛孟靜以及港島工黨何秀蘭。
咁當事人又點睇呢？社民連同埋人力一早已表明力撐辭職變相公投；毛孟靜就話義無反顧支持學民，唯一擔心係辭職後，冇人喺議會講本土議題；何秀蘭覺得而家未係時機，同政府談判都要講策略喎。至於捱咗多年先入到立法會嘅胡志偉就話，學民冇接觸過佢，雖然支持爭取普選行動，但擔心議席落入建制派就得不償失，要深思熟慮云云，睇嚟參與機會唔大。

(繼續閱讀...)