《美食風球 2》斥資 7,800萬美元（約 6億 2千萬港元）製作。套戲早於 9月尾在美國上畫，至今票房已超過 2億 1千萬美元（約 17億港元）賺到笑，電影公司肯定會開第三集再吸金，到時又見到班主角發明知、心思思、艾爾同殘雞賓再歷險。 

西面

惜飲惜食度聖誕

聖誕節終於嚟到，大家享受美食之前，不如睇睇聖誕應節動畫《美食風球 2》（ Cloudy With A Chance of Meatball 2），提醒自己愛惜食物。
改篇自 70年代兒童繪本的《美食風球》動畫，今年已上映第 2集，今集講到食物製造機器再度失控，已成為明日之星的主角「發明知」再次挑機，食物竟然 crossover動物變成美食獸，演變成歷險故事。《美食風球 2》刺激兼搞笑，但電影公司希望藉着影片宣揚人類不斷製造食物只會造成禍害的信息，教大家「惜飲惜食」。

現正上映優先場、將於本週三（ 25日）聖誕節正式香港上畫的《美食風球 2》，早於 9月尾已在美國推出，一上畫已登上票房冠軍，至今票房已超過 2億 1千美元（約 17億港元），全球過 3億美元票房冇難度。

美食獸襲地球

上集《美食風球》，講騎呢發明家發明知，發明一部食物製造機器，點知搞到一鑊粥，幾經辛苦先平息到一場美食風球。去到《美食風球 2》，正當發明知以為可以鬆一口氣，點知部食物製造機器原來一直未停止運作，今次更造出無數食物與動物混合體，好似「蕉蕉鳥」、「 King Kong蝦」以及「莓力」等美食獸，雖然好 cutie，卻對人類造成威脅，搞到發明知又要出動收拾殘局。

(繼續閱讀...)