上週六（ 21日），容祖兒踩入紅館開一連 15場跨年騷，雖然唱第 1首歌〈小日子〉時甩嘴，但之後愈唱愈順，全場最有睇頭係唱〈搜神記〉時，祖兒就以一招大字馬壓喺一堆男 dancer身上玩「人肉層層叠」，難度非常之高。 

FBI

忘形甩嘴　祖兒大字馬跨年

壇天后容祖兒，上週六（ 21日）第 7度踩入紅館，開一連 15場跨年演唱會，話晒都係年尾大騷，除咗 FBI之外，祖兒老闆楊受成都帶埋太太陸小曼去捧場，連大師兄謝霆鋒忙到死都抽時間同祖兒打氣。

唔知係咪第一場未 warm up，祖兒唱第 1首歌〈小日子〉已經唔記得歌詞，短短一首歌竟然甩 3次嘴，而且唱唱吓仲走埋音，之後祖兒都「沙冧」道歉：「唔好意思，剛才我激動咗少少，因為實在太高興。」
不過嗰晚祖兒嘅火辣造型同勁舞就表現出超水準，尤其一招大字馬玩「人肉層層叠」，動作同意識都超大膽， FBI睇到眼凸凸。
FBI收到風，祖兒為咗今次演唱會，除搵咗健身教練同佢作魔鬼訓練，仲戒食飯戒咗幾個月，所以身形 fit到漏，而且祖兒經理人 Mani喺開騷前，已提醒祖兒行路要好似 catwalk咁交叉腳步行，唔怪得祖兒成晚女人味滿瀉啦！都係嗰句，最緊要師兄 buy啫！

(繼續閱讀...)