外形俊俏兼 sporty自然成為別人眼中的男神，「其實被人讚係好開心，但我又覺好尷尬，次次俾人讚都係謙虛講多謝就算，仲想快啲轉話題！」 

U花 U草

城大劍神：運動不是買賣

學界運動出色，一向易吸引名校招手，現就讀城大心理學 Yr.2的吳子浩（ Bernard），人封學界劍神，中學時惹來拔萃垂青；大學時亦獲中大招攬，但為了一班同甘共苦的劍擊兄弟和興趣，擁有男神外形的 Bernard一句：「運動唔應該係買賣！」最終便拒絕了中大和拔萃的學位，劍神好正氣！

20歲的 Bernard白白淨講嘢超斯文，但一換上了劍擊衫即時人劍合一，兩眼有火，怕醜仔化身劍神舞劍虎虎生威！

放棄中大取錄

同好多運動精英一樣，中學時曾帶領所讀中學橫掃學界的 Bernard，中四時就被男拔羅致，但劍神卻放棄人人羨慕的名牌學位，「我之前讀大角咀嘅聖芳濟書院，嗰陣學界我連續拎咗幾年個人冠軍，男拔個教練就撬我轉校，不過我一口拒絕，一來我好鍾意聖芳濟班兄弟，一齊努力咗四年，我放唔低呢份兄弟情！同埋我唔鍾意男拔買人嘅風氣，打學界應該用培訓自己嘅學生，唔係靠學校名氣去吸引勁人代打，就算叫我再揀，我一樣唔去男拔！」
上到大學， Bernard再為理想放棄中大筍 offer：「我入大學時，中大社工、理大護理同城大心理學都畀咗 offer我，大部分人都會揀中大社工，話三大出路會好好多，不過我好鍾意心理學，希望城大畢業後讀埋碩士，可以做臨床心理學家。」

(繼續閱讀...)